Kimetja është e mërzitur për vrasjet e pasluftës, ka një paralajmërim

In Kosova, Lajme

Opinionistja Kimete Berisha, në një status në profiling e saj në Facebook ka komuntuar intervistën e fundit që një dëshmitar e dha në media për vrasjet e pasluftës.

Berisha ka ngrituar alarmin duke thënë se “kurrë më në rrezik s’kemi qenë.

Se janë hallakatë vrasësit, ndërsa të vrarëve po u lëkunden eshtrat.”

Ajo ka shkruar se qysh jetohet në një vend ku dhjetëra vrasës janë të lirë të vazhdojnë të vrasin.

Shënimi i saj i plotë

Gjithë ditën sot m’u ka duk se e kam pa dëshmitarin e mbrëmshëm që e ‘tronditi’ hamamin e hyrës në gjykatoren e Batonit.
Veç sot nuk e kish pas veshur atë këmishën lara-lara me kutia, por një këmishë me vija.

(sidomos pasi ambasadori anglez tha një ditë se të burgosurit e fortë kur duan dalin nga burgu, e kur duan kthehen, bile dikush tha se i shohin shpesh të burgosurit nëpër diskoteka e kafiteri).

Prej gazepit mbrëmë s’më ka marrë gjumi deri në gjashtë të sabahut, thashë ku-ku për neve, vrasësit e lirë, gjithandej, e kur në gjashtë më kish pas marrë gjumi, e kisha pa ëndërr një lakër në të cilën e gjeta letrën e një njeriu të vrarë.

Në letër shkruante se atë që e kërkon në jetë nuk do ta arrsh pa qenë i ashpër dhe i vrazhdtë.

Qysh jetohet në një vend ku dhjetëra vrasës janë të lirë të vazhdojnë të vrasin.

A është e mundur që shqiptarët (si askund në botë) me qenë vrasës kaq të mëdhenj dhe kaq profesionistë që me arritë mos me lënë gjurmë në vendin e krimit dhe me vra njerëz ditë’m drekë e mos m’i pa kush.

Mos me qenë politike këto vrasje ishin zbulu kaherë.

Prandaj, lëni foret me njerëz anonimë dhe vrasës ordinerë.

Drejtësia evropiane dhe ajo e OKB-së në Kosovë është e korruptuar baras me Drejtësinë vendore, se sikur të mos kishte qenë e korruptuar deri te veshët, së paku një vrasje politike deri tani do të ishte zbardhur.

Jetojmë në një vend ku s’ka drejtësi. Kjo është e tmerrshme. Kosova po dështon si shtet, po vetëvritet nga sekretet e errëta dhe mbijeton e kacavarur në litarin e atyre që janë të sharruar në gjak deri në gjunj.

Kurrë më në rrezik s’kemi qenë.
Se janë hallakatë vrasësit, ndërsa të vrarëve po u lëkunden eshtrat.

Nëse urgjentisht nuk dekriminalizohet drejtësia, nuk shkundet sistemi i drejtësisë prej kokës së e deri te shoferi, askush përveç kriminelëve këtu nuk do të ketë jetë.

Shteti i Kosovës ka dështuar deri tani në të gjitha aspektet. Sepse, s’ka drejtësi. Është dëshpëruese dhe trishtuese se si i madh e i vogël e kanë humbur shpresën se mund të bëhet mirë me këta njerëz në krye.

Mjerisht, e vetmja shpresë na ka mbetur Gjykata Speciale, e cila nëse nuk fillon punën shpejt, rrezikon t’i çojë shqiptarët në kacafytje dhe televizionet e portalet t’u bëjnë njerëzve gjyqe.

Pse dëshmitarët e mbrojtur preferojnë të dalin publikisht të pambrojtur! Aman.
Po as në filma nuk sheh këso fantazie.

You may also read!

Kushtojuni vëmendje këtyre pasojave të tiroideve

Hormonet tiroidale duhen mbajtur nën kontroll gjatë gjithë jetës, sepse mund të ndikojnë negativisht te shumë sisteme në trup

Read More...

Horoskopi ditor, e Premtë 20 Prill 2018

Dashi Sot çiftet më të rrezikuara janë ata që kanë pasur diskutime në të kaluarën. Edhe ata që janë

Read More...

Raportet Rusi-SHBA: Ministria e Jashtme ruse bën paralajmërimin …

Lidhjet e drejtpërdrejta të fluturimit midis Rusisë dhe SHBA-së mund të ndërpriten plotësisht, për shkak të politikës së vazhdueshme

Read More...

Leave a reply:

Your email address will not be published.

Mobile Sliding Menu

Facebook Auto Publish Powered By : XYZScripts.com