Ministrja Hoxha: Fajoni rikonfirmoi se Kosova ka përmbushur kushtet për vizat

In Kosova, Lajme

Raportuesja e Kosovës për liberalizimin e vizave në Parlamentin Evropian, Tanja Fajon gjatë takimit të martën në Bruksel me zëvendëskryeministrin Enver Hoxhaj, ka thënë se Kosova ka përmbushur kushtet e fundit për liberalizimin e vizave.

“Patëm një takim me zëvendëskryeministrin e Kosovës, Enver Hoxhaj dhe një diskutim një orë e gjysmë për situatën në Kosovë. Ramë dakord që heqja e vizave për njerëzit në Kosovë është një qëllim i përbashkët, pasi vendi ka përmbushur kushtet e fundit”, ka shkuar Fajoni në llogarinë e vet në “Twitter”.

Ministrja e Integrimit Evropian, Dhurata Hoxha, ka përshëndetur këtë deklaratë të Fajonit.

Ajo përmes një postimi në llogarinë e saj në “Facebook” ka thënë se Fajon rikonfirmoi se janë përmbushur të gjitha kushtet për liberalizimin e vizave nga institucionet e Kosovës, raporton “Epoka e re”.

“Shpreh edhe një herë respekt të thellë për znj. Fajon dhe dashamirët e Republikës së Kosovës që përkrahin liberalizimin e vizave dhe procesin integrues! Ne nuk do të ndalemi së punuari, deri sa nuk bëhemi pjesë e pandashme e vlerave euroatlantike”, ka thënë ministrja Hoxha.

You may also read!

Messi ka zaptuar “La Ligën”, të tjerët…thjesht luajnë në të

La Liga mbylli një ditë më parë edicionin e saj për sezonin 2017-2018, me verdiktet tashmë të zyrtarizuara: Barça

Read More...

Nacionalisti Sheshel përzihet edhe me politikanët shqiptarë në Maqedoni

Kryetari i Partisë Radikale Serbe, Vojisllav Sheshel, është shprehur kundër vizitës së paralajmëruar të kreut të Parlamentit të Maqedonisë Talat

Read More...

Çfarë ka ndodhur më 21 Maj, përgjatë historisë?

  Ngjarjet më të rëndësishme që kanë ndodhur më 21 Maj, ndër vite: 879 – Papa John VIII i jep

Read More...

Leave a reply:

Your email address will not be published.

Mobile Sliding Menu

Facebook Auto Publish Powered By : XYZScripts.com