As nuk ju tutemi e as nuk ju besojmë

In op/ed

Arianit Koci

Nuk ju tutemi se tashmë po dëshmohet se jeni të pafuqishëm. Nuk ju besojmë sepse veproni vetëm bazuar në interesa personale. E keni harruar Shtetin. Gjykata Speciale dhe Demarkacioni po e dëshmojnë se jeni të fuqishëm vetëm kur ktheni kokën në Beograd te Lista Srpska dhe Vucic. Kjo dëshmon pafuqinë tuaj sepse s’mund të fuqizoni e as shfuqizoni as edhe një ligj pa ndihmën e deputetit goran të Listës Sprksa, Adem Hodzicit.

Jam rritë me idenë që fjala e dhënë dhe nderi janë dy virtytet më të rëndësishme për njeriun.
Pa këto dy veti mund të jetosh – në disa raste madje mund të jetosh shumë mirë. Por, me kohë e kupton që ajo jetë është jetë e mallkuar dhe e thatë.
Sidoqoftë, te ne po kultivohet vite me radhë kultura e dredhisë, rrenës dhe kërcënimit. Posaçërisht në politikë. Aty ku unë personalisht besoj që mbajtja e fjalës dhe nderi duhen me qenë të nënkuptueshme dhe të vetëkuptueshme – duhen me qenë imperativ!
Kjo frymë, fryma e rrenës, na ka sjellë në këtë situatë që jemi: të varfër intelektualisht, shpirtërisht dhe ekonomikisht.
Nuk mund ta zhvillosh familjen, shoqërinë dhe shtetin me rrena dhe dhunë.
E m’u këtë disa politikanë po tentojnë ta bëjnë: ta zhvillojnë shtetin dhe shoqërinë me rrena.
Rezultatet po shihen. Janë po ato rezultate që i ka apo i ka pasur çdo shoqëri e pasinqertë, me politikanë edhe më të pasinqertë – primitivizëm dhe vetëm primitivizëm!
Prandaj, shumica e politikanëve nuk e kanë asnjë trohë respekti te shumica e popullatës.
As nuk ju besojmë e as nuk ju tutemi.
Janë ku janë pa meritë – dhe ne e dimë dhe ata e dinë.
Janë ku janë, jo pse ne kemi pasur vullnetin me qenë ata aty, po sepse janë imponu dhe janë pozicionu pa vullnetin e shumicës së popullatës.
Prandaj, politikanë të dashur:
Nuk ju besojmë dhe nuk ju nderojmë – sado që po ju duket që po ju nderojmë. Në fakt, shumicën e kohës as që po mërziteni a po ju nderojmë e a po ju respektojmë!
Dijeni që këtë e bëni pse mundeni – jeni “të fortë”.
Vazhdoni ju, por nuk po na bëni budallë.
Krejt po i dijmë dhe po i shohim.

 

You may also read!

Gjermania nis dëbimin e shqiptarëve, këto janë shifrat

Numri i të huajve që janë dëbuar nga Gjermania gjatë vitit 2017 ka qenë 23 966 gjithsej, ose më

Read More...

Trump konfirmon takimin me Kim Jong-un

Presidenti Trump tha se takimi i një presidenti amerikan me udhëheheqësin koreanoverior duhej të kishte ndodhur shumë vite më

Read More...

Thirrjet raciste për shqiptarët nga ministri më i rëndësishëm i Italisë

Qeveria e re italiane u betua. Betimi lë pas një mori të panjohurash për italianët, vetë Bashkimin Europian dhe

Read More...

Leave a reply:

Your email address will not be published.

Mobile Sliding Menu

Facebook Auto Publish Powered By : XYZScripts.com