Politikani Jovanoviq: Mos t’i gënjejmë më serbët për Kosovën

In Lajme, Rajoni

Kryetari i Partisë Liberal-Demokratike Çedomir Jovanoviq konsideron se është në interes publik që të gjithë, sidomos presidenti i Serbisë, Aleksandar Vuçiq, të mos e gënjejnë më popullin për Kosovën.

Kështu i ka deklaruar gazetës “Danas” të Beogradit ky politikan serb, transmeton Koha.net. Siç citohet, ai ka thënë se Vuçiq do të duhej që t’i kundërvihet qartë Kishës dhe të gjithë atyre të cilët po na ushqejnë me mite dhe fantazi.

“Interesi publik na obligon, të gjithë neve, sidomos Vuçiqin, të lëmë manirin e dekadës të gënjimit të popullit, si dhe t’i kundërvihet qartë Kishës dhe të gjithë atyre të cilët strehohen nëpër skutat e tyre dhe në shekullin e 21-të sërish na ushqejnë me fantazi, mite e legjenda”, është shprehur ai për “Danasin”.

Jovanoviq konsideron se Kishës nuk po i intereson të kërkojë faljen e mëkateve të cilat me bekimin e saj i kanë bërë kriminelët gjithandej nëpër Kosovë, e as që e intereson se çdo ditë në Serbi do të na shndërrohej në 24 mars nëse ndokush do të zbatonte politikën që ajo e predikon.

Ai po ashtu konsideron se me faktin që Kosova bëhet anëtare e Kombeve të Bashkuara vetëm ndryshohen istikamet në të cilat ndodhemi, ndërsa konflikti mbetet

“As shqiptarët e Kosovës nuk do të gjejnë lumturinë me anëtarësimin në OKB, as ne lumturinë tonë mund ta ndërtojmë përmes përpjekjeve që ata t’i pengojmë, e që paraprakisht janë të gjykuara për mossukses”, ka thënë Jovanoviq.

You may also read!

Gjermania nis dëbimin e shqiptarëve, këto janë shifrat

Numri i të huajve që janë dëbuar nga Gjermania gjatë vitit 2017 ka qenë 23 966 gjithsej, ose më

Read More...

Trump konfirmon takimin me Kim Jong-un

Presidenti Trump tha se takimi i një presidenti amerikan me udhëheheqësin koreanoverior duhej të kishte ndodhur shumë vite më

Read More...

Thirrjet raciste për shqiptarët nga ministri më i rëndësishëm i Italisë

Qeveria e re italiane u betua. Betimi lë pas një mori të panjohurash për italianët, vetë Bashkimin Europian dhe

Read More...

Leave a reply:

Your email address will not be published.

Mobile Sliding Menu

Facebook Auto Publish Powered By : XYZScripts.com