Punësim sezonal në Gjermani, aplikime për studentët

In Ekonomi

Të gjithë studentët që kërkojnë një punë gjatë 3 muajve të verës, mund të aplikojnë deri në fund të janarit për punësim sezonal në Gjermani. Një student që e ka kaluar këtë eksperiencë, na rrëfen kushtet e punës, por edhe arsyet pse shkoi atje.

Xhulio Gega, nga Puka, është student në degën informatike ekonomike. Gjatë verës Xhulio shfrytëzoi një program të qeverisë gjermane, për t’u punësuar vetëm për 3 muaj në Gjermani, e për t’iu rikthyer më pas studimeve në Tiranë.

“Kam punuar kryesisht në pastrim, nëpër objekte që kishte kompania ku punonim, si te Policia Qëndrore, Ministria e Arsimit dhe Radio Berlini. Puna nuk ishte e shumë e vështirë”, tregon Xhulio.

Për Xhulion kjo është një ekperiencë e vyer, pasi jo vetëm siguroi disa të ardhura të mira, por e ndihmoi të njohë tregun e punës europian dhe për të krijuar lidhje që mund t’i shfyrtëzojë më vonë. Ndaj ia sugjeron të gjithë studentëve.

“Paguheshim diku te 10 euro ora, duhej të bënim 8 orë punë, por kemi bërë dhe më shumë. Por më ka ndihmuar se unë dua të bëj një master jashtë dhe krijova lidhje me shkolla atje. Sa të rrinë nëpër kafe, më mirë të shikojnë këtë mundësi”, u shpresh studenti nga Puka.

Shoqata gjermane për bashkëpunim ndërkombëtar ka hapur edhe këtë vit aplikimet, për të cilat ka afat deri në 26 janar. Vendet e punës që ofrohen janë të ndryshme, por që të jesh fitues duhet të plotësosh disa kritere.

“Duhet të jesh student në një univeristet, jo ta kesh mbaruar atë dhe duhet të kesh njohuri filestare të gjuhës gjermane”, u shpreh Floren Qosja, koordinator në Shoqatën Gjermane për Bashkëpunim Ndërkombëtar.

Deri më tani kanë aplikuar 1000 studentë, të cilët kërkojnë gjatë verës së ardhshme një punësim sezonal në qytetet gjermane.

You may also read!

Serbia kërcënon rrëzimin e Qeverisë së Kosovës nëse nuk themelohet Asociacioni

Ministri i Jashtëm i Serbisë, Ivica Daçiq ka kërcënuar me rrëzimin e Qeverisë nëse Prishtina nuk e themelon Asociacionin

Read More...

Koreja e Veriut: Vazhdimi i sanksioneve amerikane quhet akt lufte

Koreja e Veriut i cilësoi sot sanksionet e fundit të njëanshme amerikane të shpallura të premten si një akt

Read More...

Horoskopi ditor, e Diele 25 Shkurt 2018

Dashi Për shkak te kontradiktave te shumta mes planetëve, jeta juaj ne çift nuk do jete aq e mire

Read More...

Leave a reply:

Your email address will not be published.

Mobile Sliding Menu

Facebook Auto Publish Powered By : XYZScripts.com