Rruga e Kombit me pagesë? Ja sa paguhet në vendet fqinje dhe ato evropiane

In Ekonomi

Prezantimi i taksës së Rrugës së Kombit dhe testimi i saj është pritur me kundërshtime të ashpra, nga qytetarët dhe opozita. Një protestë e mbajtur dje në afërsi të tunelit të Kalimashit degjeneroi në dhunë dhe shkatërrim të sporteleve, ku prej së dielës së kaluar po testohet taksa.

Qeveria thotë se aplikimi i kësaj takse është i domosdoshëm për mirëmbajtjen dhe përfundimin e kësaj rruge, ndërsa shumë qytetarë dhe zëra nga opozita e kundërshtojnë aplikimin e saj.

Një pjesë e opinionit e sheh normale vendosjen e taksës, por nuk është dakord me shumën mesatarisht 5 euro.

Udhëtimi me automjete në shumë prej rrugëve të Evropës është me pagesë, por në disa të tjera është falas.

Faqja Tolls.eu ka një listë të vendeve ku paguhet dhe ku udhëtohet falas.

Kështu, në Europë, duhet të paguash nëse do të udhëtosh në rrugët e Bjellorusisë, Bosnjes dhe Hercegovinës, Kroacisë, Francës, Gjermanisë, Britanisë së Madhe, Greqisë, Irlandës, Italisë, Norvegjisë, Maqedonisë, Polonisë, Portugalisë, Serbisë, Spanjës dhe Turqisë. Në këto vende taksa paguhet cash ose me kartë në pika të posaçme.

Vende të tjera kanë aplikuar një abonim (vignette), i cili është një taksë e llogaritur në bazë të kohës së përdorimit, ndryshe nga tarifa tjetër që bazohet në gjatësinë e rrugës. Abonimi aplikohet në rrugët e Austrisë, Bullgarisë, Çekisë, Hungarisë, Moldavisë, Rumanisë, Sllovakisë, Sllovenisë dhe Zvicrës.

Ndërkohë, falas mund të udhëtohet në rrugët e Andorës, Estonisë, Finlandës, Islandës, Kosovës, Qipros, Lihtenshtejnit, Luksemburgut, Maltës, Monakos, San Marinos, Ukrainës dhe Vatikanit.

Disa vende të tjera taksojnë kalimin në ura dhe tunele. Në këtë kategori, Tolls.eu ka futur në listë edhe Shqipërinë. Krahas saj, vendet ku paguhet janë: Belgjika, Danimarka, Lituania, Letonia, Mali i Zi, Holanda dhe Suedia.

Në Serbi, një nga vendet e rajonit, paguhet mesatarisht 3,00 – 5,50 euro/100 km me makinë.

Në Maqedoni paguhet mesatarisht 180 dinarë maqedonas për çdo 100 km të përshkuara me makinë.

Maqedonia/ Pagesa në denarë

Mjetet Mjete mbi 1.3 m gjatësi Mjetet me dy ose më shumë akse Autobusë, kamionë, trajlera Mjete me më shumë se 3 akse, mbi 1.3 me gjatësi
Kumanovë – Miladinovci 60 den 80 den 150 den 220 den
Shkup – Petrovec 40 den 50 den 100 den 150 den
Petrovec – Veles 80 den 120 den 220 den 330 den
Veles – Gradsko 60 den 100 den 180 den 260 den
Shkup – Miladinovci 40 den 60 den 100 den 150 den
Tetovë – Gostivar 30 den 40 den 80 den 110 den
Shkup – Tetovë 40 den 60 den 110 den 160 den

You may also read!

Sërish sulme në Siri (Foto)

Forcat ajrore irakiane kanë kryer sulme kundër pozicioneve të Shtetit Islamik në Siri, ka thënë zyra e kryeministrit Haider

Read More...

Hudhrat e Njoma Si Mrekulli Pranverore – Vlerat Për Shëndetin

Hudhrat e njoma paralajmërojnë ardhjen e pranverës. Nga marsi në maj, kjo është periudha e tyre. E ndërsa shumë

Read More...

Një pilote seksi si Angelina Jolie

Angelina Jolie është pjesë e dokumentarit “Mbretëresha e planetit të gjelbër” dhe është filmuar duke pilotuar një aeroplan. Ylli

Read More...

Leave a reply:

Your email address will not be published.

Mobile Sliding Menu

Facebook Auto Publish Powered By : XYZScripts.com