Presidenti amerikan Donald Trump i ka gostitur fituesit e kampionatit në futbollin e kolegjit me hamburgerë dhe pica për shkak të bllokadës së qeverisë.
Ushqimin e ka paguar nga xhepi i vet presidenti, përndryshe dashamirë i ushqimit të shpejtë, pasi as personeli e as kuzhinierët e Shtëpisë së Bardhë nuk janë në punë.
“Kemi porositur ushqim të shpejt amerikan, të cilin e kam paguar unë. Shumë hamburgerë, shumë pica”, ka thënë Trump para se e ka pranuar ekipin Clemson Tigers nga Karolina Jugore.
Është përgatitur një tryezë suedeze e pazakonshme në Shtëpi të Bardhë – një mal me hamburgerë nëpër enë të argjendtë, patate të skuqura në pjata me vulën e presidentit, si dhe pica të porositura me ullinj dhe domate.
Menyja është përbërë nga disa restorante të popullarizuara amerikane të ushqimit të shpejtë.
Bllokada e pjesshme e qeverisë federale po hynë në ditën e 25 dhe është bllokada më e gjatë në histori të SHBA.
Për shkak të bllokadës rreth 800.000 të punësuar në shërbimet federale nuk po i marrin rrogat./Insajderi.com
