Vuniqi: Kosova dhe Bavaria do të thellojnë bashkëpunimin ekonomik

In Kosova, Lajme

Përfshirja e Kosovës në instrumentin “Bayern fit for Partnership, organizimi i një Forumi të Biznesit dhe Investimeve në Mynih, ku do të identifikoheshin sektorët me interes të ndërsjellë, aranzhimi i takimeve B2B dhe G2B në Kosovë, vendosja e menjëhershme e kontakteve direkte në mes të Agjencive të Promovimit të Investimeve dhe Odave respektive Ekonomike janë disa nga veprimet, që kanë rezultuar nga dita e dytë e takimeve të zëvendësministres së Punëve të Jashtme, Rejhan Vuniqi, në Gjermani, respektivisht nga takimi, që ajo ka zhvilluar në Ministrinë Bavareze për Çështje Ekonomike, Energji dhe Teknologji, me Drejtorin e Përgjithshëm për Bashkëpunim, Markus Wittman.

Hapja e një Zyre për Bashkëpunim Ekonomik të Landit të Bajernit në Kosovë, ka qenë një ftesë tjetër, që zëvendësministrja, Vuniqi, i ka ofruar Drejtorit të Përgjithshëm, Wittman, ftesë kjo, që është mirëpritur dhe do të merret në shqyrtim.

Gjatë ditës premte, zëvendësministrja, Vuniqi, është pritur në një takim tjetër edhe në Ministrinë e Shtetit Bavarez për Mbrotje të Ambientit dhe të Konsumatorëve, nga Drejtori i Përgjithshëm, Christian Barth, dhe ekipi i ekspertëve të tij.

Me këtë rast, Vuniqi ka shprehur interesimin e Kosovës, që të përfitojë nga sukseset e Bavarësisë edhe në sektorin e mbrojtjes së ambientit dhe riciklimit të mbeturinave dhe e ka falënderuar për bashkëpunimin dhe ndihmën e deritanishme në këtë sektor, nëpërmjet marrëveshjeve bilaterale ashtu si edhe nëpërmjet projekteve të mbështetura përmes GIZ-it gjerman.

Për këtë qëllim, ajo e ka ftuar bashkëbiseduesin, që së bashku me ekipin e ekspertëve nga ky sektor, të realizojnë një vizitë në Kosovë, për të parë nga afër situatën në teren dhe të diskutojnë mbi mundësitë e projekteve konkrete.

Nga ana e tij, bashkëbiseduesi e ka siguruar zëvendësministren, Vuniqi, për mbështetjen e tyre për të ofruar ekspertizën, sidomos në sektorin e riciklimit dhe ka premtuar, që Institucionet kosovare të linjës do të ftohen në konferencat, forumet dhe panairet, që kjo ministri organizon në lidhje me këtë sektor.

Zëvendësministrja, Vuniqi, është pritur në një takim ndaras edhe nga Drejtori i Përgjithshëm për Çështje Evropiane dhe Marrëdhënie Ndërkombëtare të Bavarisë, Thomas Gruber.

Join Our Newsletter!

Love Daynight? We love to tell you about our new stuff. Subscribe to newsletter!

You may also read!

Veseli: Fitorja e madhe po vjen

Kandidati i PDK-së për Kryeministër të ardhshëm të Kosovës, Kadri Veseli, ka zhvilluar sot disa takime në qytetin e

Read More...

Këtu mund ta dini se ku duhet të votoni me 6 tetor

Me 6 tetor mbahen zgjedhjet e jashtëzakonshme dhe për këtë Komisioni Qendror i Zgjedhjeve, ka publikuar linkun ku nga

Read More...

Veseli: Unë besoj tek rinia e Kosovës, obligimi im është të krijoj kushte pune

Lideri i Partisë Demokratike të Kosovës, Kadri Veseli, ka vizituar Akademinë për Siguri Publike, për të cilën tha se

Read More...

Mobile Sliding Menu