BE-ja propozon shtyrje të Brexit-it deri në muajin maj

In Bota, Lajme

Bashkimi Evropian mund t’i ofrojë Britanisë së Madhe një shtyrje të Brexit-it deri në muajin maj nëse parlamenti britanik miraton marrëveshjen e Brexit-it javën tjetër.

Kështu thuhet në një draft dokument të Komisionit Evropian.

Në Bruksel po qëndron kryeministrja,Theresa May, në përpjekje për të bindur udhëheqësit e BE-së për të shtyrë afatin e daljes së Britanisë nga BE-ja që është paraparë të ndodhë më 29 mars.

Dokumenti thotë se BE-ja po e konsideron zgjatjen e afatit të daljes së Britanisë nga blloku por se nuk mund të ketë shtyrje përtej zgjedhjeve evropiane.

Zgjedhjet evropiane pritet të mbahet më 23 deri më 26 maj.

BBC raporton se udhëheqësit e BE-së i kanë ofruar kryeministres May shtyrje deri më 7 maj.

Ndërkaq agjencia Reuters raporton se në bisedime është propozuar që data e shtyrjes të jetë 22 maj mirëpo Franca u tërhoq nga kjo datë dhe propozoi 7 majin.

“Kjo do të na jepte më shumë kohë për t’u përgatitur për një marrëveshje pa Brexit”, tha një diplomat.

Më herët gjatë ditës së enjte, presidenti francez, Emmanuel Macron, ka paralajmëruar se nëse deputetët britanikë do të votojnë kundër marrëveshjes javën e ardhshme, Britania e Madhe do të largohet nga BE-ja pa një marrëveshje.

Join Our Newsletter!

Love Daynight? We love to tell you about our new stuff. Subscribe to newsletter!

You may also read!

Veseli: Fitorja e madhe po vjen

Kandidati i PDK-së për Kryeministër të ardhshëm të Kosovës, Kadri Veseli, ka zhvilluar sot disa takime në qytetin e

Read More...

Këtu mund ta dini se ku duhet të votoni me 6 tetor

Me 6 tetor mbahen zgjedhjet e jashtëzakonshme dhe për këtë Komisioni Qendror i Zgjedhjeve, ka publikuar linkun ku nga

Read More...

Veseli: Unë besoj tek rinia e Kosovës, obligimi im është të krijoj kushte pune

Lideri i Partisë Demokratike të Kosovës, Kadri Veseli, ka vizituar Akademinë për Siguri Publike, për të cilën tha se

Read More...

Mobile Sliding Menu