Rashica: Kjo gjë e mrekullueshme ndodhi në Kosovë para ndeshjes me Bullgarinë

In Futboll, Sport

Milot Rashica është njeriu i momentit te Werder Bremen.

Ylli i përfaqësueses së Kosovës, ka shënuar dy gola në fitoren 4:2 të Werder Bremen kundër Schlake në fundjavë në Bundesligën gjermane.

Rashica, në vitin 2019 numëron 5 gola në elitën e futbollit gjerman.

Në një intervistë të gjatë për faqen e Werder Bremen, Rashica ka folur për karrierën e tij, kohën e mirë që po kalon te gjermanët e po ashtu edhe për Kosovën.

Në pyetjen nëse ai e konsideron veten një yll për brezat e rinj, Rashica është përgjigjur: Nuk e shoh veten si një yll, por një shembull i mirë për fëmijët. Të rinjtë në Kosovë po bëhen gjithnjë e më shumë të interesuar për futbollin. Në ndeshjen kundër Bullgarisë, për shembull biletat janë shitur në më pak se një orë”.

Rashica shton se Kosova ka mundësi të mirë për t’u kualifikuar në Euro 2020, dhe se beson në atë.

“Ne kemi mundësi. Nëse nuk e fitojmë grupin, atëherë kemi një mundësi në Play Off kundër fituesve të grupeve D në Ligën e Kombeve. Gjysmëfinalet dhe finalet do të luhen pas fazës së grupeve”.

22 vjeçari në fund ka folur edhe për ndeshjen Kosovë – Angli, e cila konsiderohet një nga ndeshjet më të rëndësishme në historinë e re të Kosovës.

“Do të jetë një ndeshje masive. Ne jemi një ekip i ri dhe një kombëtare e re në futboll. Të luash kundër këtij lloji të lojtarëve do të jetë e mahnitshme. Çdo gjë është e mundshme në futboll”.

You may also read!

Nuk ndalen rrahjet: Tani në një tjetër nëndegë kapen mes veti anëtarët e LDK’së

Rrahjet dhe përplasjet brenda Lidhjes Demokratike të Kosovës (LDK) nuk kanë të ndalur, tani në një degë tjetër të

Read More...

Më ndryshe se në liri, shikoni si pritet iftari në burgun e Smrekonicës

Posa afron koha e iftarit, kuzhina e Qendrës Korrektuese të Smrekonicës fillon të mbushet. Të burgosurit këtu të cilët

Read More...

PDK më e votuara nga partitë shqiptare në katër komunat e veriut

Zgjedhjet për kryetarin e komunës, në katër komunat e veriut, të mbajtura sot, me kandidatët e saj, Gonxhe Çaushi

Read More...

Mobile Sliding Menu