Delegacioni i BQK-së përfundon pjesëmarrjen në takimet pranverore të FMN-së dhe BB-së

In Ekonomi

Delegacioni i Bankës Qendrore të Kosovës (BQK) i udhëhequr nga guvernatori Fehmi Mehmeti, ka përfunduar pjesëmarrjen në takimet pranverore të Fondit Monetar Ndërkombëtar (FMN) dhe të Bankës Botërore (BB), të cilat u zhvilluan në Washington.

Në ditën e fundit të qëndrimit, Mehmeti ka marrë pjesë në diskutimet e guvernatorëve dhe ministrave të Evropës Qendrore dhe Lindore lidhur me perspektivën ekonomike rajonale të Evropës Qendrore dhe Juglindore.

Gjithashtu, gjatë ditës së fundit, përfaqësuesit e BQK-së kanë marrë pjesë në mbledhjen plenare të Komitetit Ndërkombëtar Monetar dhe Financiar të FMN-së.

Gjatë qëndrimit në Washington dhe pjesëmarrjes në sesionet plenare, delegacioni nga BQK i kryesuar nga guvernatori Mehmeti, kanë takuar drejtues të lartë të FMN-së dhe të BB-së, nga të cilët kanë marrë mbështetje në realizimin e objektivave të BQK-së në mbështetje të zhvillimit të vendit.

Përveç takimeve me ekipin e misionit të FMN-së për Kosovën, Mehmeti ka takuar edhe zëvendësdrejtorin e FMN-së, Tao Zhang, të cilin e informoi mbi zhvillimet e përgjithshme në sistemin financiar, si dhe e falënderoi për përkrahjen e vazhdueshme që FMN-ja i ka ofruar BQK-së ndër vite.

Në këtë takim, Zhang konfirmoi përkrahjen e mëtejme për BQK-në dhe Kosovën.

Delegacioni i BQK-së në takime të ndara, është takuar edhe me zëvendësdrejtorin e BB-së, Cyril Muller dhe me drejtoreshën e BB-së për Ballkanin Perëndimor, Linda Van Gelder, ku u diskutua lidhur me zhvillimet e fundit në sistemin financiar dhe projektet që kanë të bëjnë me asistencën teknike të Bankës Botërore.

Gjatë takimeve vjetore, BQK ka marrë përkrahje nga Departamenti i FMN-së për Evropë lidhur me asistencën teknike të FMN-së për BQK-në për zbatimin e projekteve dhe rekomandimeve të mundshme që do dalin nga procesi i Rishikimit të Stabilitetit të Sektorit Financiar.

Në kuadër të takimeve vjetore në Washington, delegacioni i BQK-së ka marrë pjesë në takimin hapës të Komitetit Ndërkombëtar Monetar dhe Financiar të FMN-së, si dhe në takimet e ndara të Konstituencës së Bankës Botërore dhe Fondit Monetar Ndërkombëtar, pjesë e të cilave është edhe Kosova.

Takimet vjetore të Bordit të Guvernatorëve të FMN-së dhe të grupit të BB-së, për çdo vit sjellin së bashku bankierët e bankave qendrore, ministrat e financave, drejtuesit e sektorit privat, përfaqësues të organizatave të shoqërisë civile dhe akademikëve për të diskutuar çështjet e financave të fokusuara në ekonominë botërore, zhvillimin ndërkombëtar dhe ato të sistemit financiar botëror.

You may also read!

Konsumoni spec të djegës? Ja çfarë i ndodh trupit tuaj

Po hani shpesh speca djegës? Ja çfarë po i bëni kancerit të mushkërive. Specat djegës gjenden shpesh në tavolinat

Read More...

Morena Taraku ‘djeg’ Instagramin pozon me këmbë hapur para kamerës gati t’i del jashtë

Morena Taraku njihet si njëra nga këngëtaret e estradës e cila tregon shumë stil në paraqitjet e saj. Stilin

Read More...

“Eh mor Ministër Leshi” Ish deputeti i PD sulmon ashpër Lleshajn: Ta mori burrninë Rama

Ish deputeti i PD-së Oerd Bylyknashi ka hedhur një sërë akuzash të forta në drejtim të Minsitrit të Brendshëm

Read More...

Mobile Sliding Menu