Kadaj-Bujupi: Gjermania konfirmoi se nuk do të ketë shkëmbim territoresh

In Kosova, Lajme

Deputetja e Aleancës për Ardhmërinë e Kosovës, Donika Kadaj-Bujupi, ka thënë se takimi i kryeministrit Ramush Haradinaj me kancelaren Angela Merkel është ndër takimet më të rëndësishme të lidershipit të Kosovës viteve të fundit.

Ajo në emisionin “Interaktiv” të KTV-së ka thënë se kancelarja Merkel e ka konfirmuar që nuk do të ketë ndarje të Kosovës ashtu siç u promovua kohëve të fundit.

“Është një rritje e bashkëpunimit ekonomik reciprok por edhe fuqizim i një bashkëpunimi bilateral mes Kosovës dhe Gjermanisë. Unë besoj fuqishëm që është hequr ideja e ndryshimit të kufijve. Kancelarja Merkel është fuqishëm kundër çdo ndryshimi të kufijve”, ka thënë ajo.

Ajo tha se Haradinaj ka shfaqur përkushtimin e shtetit për të përkrahur dialogun me Serbinë, por pa kushte dhe pa heqje të taksës.

“Ajo çka është e rëndësishme është edhe lëvizja e lirë e cila është shumë e rëndësishme e që ka marr përkrahjen e Berlinit”, ka thënë ajo.

Ajo tha se Haradinaj ka kërkuar kohë më parë që Gjermania të jetë e përfshirë në fazën përfundimtare të dialogut, duke pasur edhe SHBA-në, që momenti i arritjes së marrëveshjes përfundimtare të ketë edhe garantues.

Kadaj-Bujupi thotë se Gjermania ka pasur qëndrim parimorë dhe të drejtë për të mbrojtur interesat e Kosovës.

Ajo tha se përfaqësuesja e lartë Federcia Mogherini ka rënë nga provimi për udhëheqjen e dialogut.

You may also read!

Veseli sërish kryetar i PDK’së, pa asnjë votë kundër dhe asnjë abstenim

Pa asnjë votë kundër dhe asnjë abstenim, Kadri Veseli është rizgjedhur kryetar i PDK’së edhe për një mandat, sot

Read More...

Trump e sulmon sërish kryetarin e Londrës: Je turpi i kombit

Presidenti i Shteteve të Bashkuara, Donald Trump, e ka kritikuar përsëri kryetarin e Londrës, Sadiq Khan, duke e quajtur

Read More...

Dy ditë pasi Avdullah Hoti tha se në LDK ka kaluar koha e rrahjeve: Krisin karriget dhe grushtet

Lidhja Demokratike e Kosovës, e cila këto ditë po mban procesin e brendshëm zgjedhor, është duke u përballur me

Read More...

Mobile Sliding Menu