Musmurati: Grushtet ia kemi lënë LDK-së, në PDK zgjedhjet kaluan pa incidente

In Kosova, Lajme

Partia Demokratike e Kosovës para disa muajsh shpalli zgjedhjet e brendshme partiake në të gjitha degët, nëndegët dhe seksionet.

Gjatë kësaj periudhë, kryetari aktual i PDK-së, Kadri Veseli vizitoi shumë komuna e nëndegë të partisë, ku foli për vizionin e PDK-së, shkruan Indeksonline.

Tani ky proces i brendshëm ka përfunduar dhe në mes të muajit do të mbahet edhe Konventa e Partisë Demokratike të Kosovës. Këtë e ka konfirmuar për Indeksonline, sekretari i PDK-së, Basri Musmurati, sipas të cilit gjithçka ka shkuar si mos më mirë.

Ai ka thënë se zgjedhjet kanë përfunduar pa incidente që do të ndikonin në mbarëvajtjen e procesit.

“Në të gjitha degët e Partisë Demokratike të Kosovës tanimë ka përfunduar procesi zgjedhor, e tani pritet të mbahet Konventa e partisë më 16 qershor”, ka thënë Musmurati. Sekretari i PDK-së theksoi se problemet e grushtet ia kanë lënë Lidhjes Demokratike të Kosovës, e cila gjatë zgjedhjeve në degë jo rrallë është ballafaquar me probleme.

“Grushtet ia kemi lënë LDK-së, nuk kemi pasur incidente kërkund, në degët tona ka pas interesim, ka pasur garë për ta mundur njëri-tjetrin e për të fituar, por gjithçka ka shkuar në kuadër të procesit zgjedhor sikurse është paraparë në statutin e PDK”, ka thënë tutje Musmurati, duke shtuar se në asnjë degë të vetme nuk ka pasur probleme gjatë zgjedhjeve të brendshme. Kujtojmë se deri më tani kandidaturën për të parin e PDK-së e ka bërë të ditur vetëm kryetari aktual i PDK-së, Kadri Veseli.

Derisa procesi i brendshëm zgjedhor i PDK-së ka rikthyer edhe një herë disa prej figurave në krye të Degëve përfshirë Pejën me Xhavit Halitin, Gjilanin me Qemajl Mustafën, Malishevën me Isni Kilajn, Klinën me Sokol Bashotën etj.

You may also read!

Ramiz Kelmendi i tregon LDK’së se si t’i evitojë përleshjet

Kohëve të fundit në Kuvendet Zgjedhore të LDK-së janë shënuar disa incidente. E lidhur me këto ngjarje ka reaguar

Read More...

Haradinaj falënderon Granit Xhakën e Mitot Rashicën për ndeshjen në Stadiumin e Prishtinës

Kryeministri i vendit, Ramush Haradinaj është deklaruar për ‘Lojën e Yjeve’ e cila u zhvillua sonte në stadiumin e

Read More...

PDK nesër zgjedh kryetarin, a do të ketë kundërkandidat Kadri Veseli?

Partia Demokratike e Kosovës nesër mban Konventën e nëntë zgjedhore me ç’rast pritet të zgjidhet kryetari i partisë dhe

Read More...

Mobile Sliding Menu