Nadal: Kjo gjë po më eliminon nga çdo turne

In Sport, Sporte Tjera

Rafael Nadal ka rrëfyer sot se dëmtimet e shpeshta fizike në muajt e fundit po e pengojnë që ai të ketë vijueshmëri në rezultate.

Tenisti spanjoll u eliminua në gjysmëfinalen e turneut Masters të Montecarlos, një eliminim surprizë, duke qenë se këtu ai ka triumfuar 11 herë në karrierën e tij.

Gjithsesi, Nadal shprehet se ky eliminim e ka një shpjegim.

“Në 18 muajt e fundit kam pasur shumë luhatje për sa i përket lojës, kushtëzuar nga problemet fizike. Kjo nuk të lejon që të luash me besim te vetja dhe të ruash të njëjtin ritëm kudo. Shpresoj që në Barcelonë dhe Madrid situata të jetë ndryshe. Unë e kuptoj që nuk mund të fitoj në çdo turne që luhet në fushat me dhè, por do të përpiqem”, tha Nadal.

Duke folur për gjendjen aktuale, numri 2 në botë sqaron: “Fizikisht ndihem në përgjithësi mirë edhe pse vij nga një periudhë pak e ndërlikuar, ku problemet kanë pasuar njëri-tjetrin. Këtë vit nuk kam fituar asnjë turne dhe pikërisht ana fizike ka qenë shkaktar që nuk më ka lejuar të jap atë që unë dëshiroj në fushë”, deklaroi Rafael Nadal.

You may also read!

Veseli sërish kryetar i PDK’së, pa asnjë votë kundër dhe asnjë abstenim

Pa asnjë votë kundër dhe asnjë abstenim, Kadri Veseli është rizgjedhur kryetar i PDK’së edhe për një mandat, sot

Read More...

Trump e sulmon sërish kryetarin e Londrës: Je turpi i kombit

Presidenti i Shteteve të Bashkuara, Donald Trump, e ka kritikuar përsëri kryetarin e Londrës, Sadiq Khan, duke e quajtur

Read More...

Dy ditë pasi Avdullah Hoti tha se në LDK ka kaluar koha e rrahjeve: Krisin karriget dhe grushtet

Lidhja Demokratike e Kosovës, e cila këto ditë po mban procesin e brendshëm zgjedhor, është duke u përballur me

Read More...

Mobile Sliding Menu