Pak sallam ju mjafton për të rritur rrezikun nga kanceri!

In Shendeti

Një studim i kryer së fundmi, e përforcon teorinë sipas së cilës përdorimi i mishit të kuq, sallamit apo proshutës e rrit dukshëm rrezikun e kancerit të zorrëve.

Shkencëtarët kanë krahasuar rrezikun në mes të njerëzve që konsumojnë mish të kuq përkatësisht 70g brenda një dite dhe atyre që nuk e konsumojnë mishin.

Ata panë se njerëzit që konsumojnë mish dhe produkte të tij vazhdimisht, kishin 5 herë rrezik më të lartë nga kanceri i zorrëve, në krahasim me ata që konsumojnë sasi më të ulët.

Studimi u bë nga një grup i Universitetit të Oksfordit, i cili ka monitoruar 500.000 persona për gati 6 vite. Prej tyre 2.609 pjesëmarrës të moshës 40 dhe 69- vjeçare gjatë kësaj periudhe kohore, kishin zhvilluar kancer të zorrëve. Studimi tregoi që njerëzit, që kishin konsumuar një mesatare prej 76g mish të kuq gjatë ditës kanë një rrezik më të lartë se ata që konsumojnë 21g ose më pak mish gjatë ditës.

Evidencat ekzistuese tregojnë, që rreziku i zhvillimit të këtij kanceri rritet me konsumimin e çdo 25g të mishit të përpunuar. Edhe organizatat e tjera për mbrojtjen e shëndetit nëpër botë paralajmërojnë për një lidhje të fortë në mes të mishit dhe kancerit të zorrëve.

Organizata Botërore e Shëndetësisë e ka klasifikuar mishin e përpunuar si kancerogjen.. Vetëm një pjesë e proshutës që peshon 21g, ose një pjesë e sallamit që peshon 20g mund ta rrisë rrezikun për këtë lloj të kancerit.

Ky studim vë në pah edhe një herë se me shmangien e konsumimit të mishit të përpunuar, ju shmangni rrezikun për kancer. Përafërsisht 42.000 njerëz diagnostikohen çdo vit me kancer të zorrëve, dhe kjo sëmundje shkakton 40 vdekje në 100.000 raste.

You may also read!

Veseli sërish kryetar i PDK’së, pa asnjë votë kundër dhe asnjë abstenim

Pa asnjë votë kundër dhe asnjë abstenim, Kadri Veseli është rizgjedhur kryetar i PDK’së edhe për një mandat, sot

Read More...

Trump e sulmon sërish kryetarin e Londrës: Je turpi i kombit

Presidenti i Shteteve të Bashkuara, Donald Trump, e ka kritikuar përsëri kryetarin e Londrës, Sadiq Khan, duke e quajtur

Read More...

Dy ditë pasi Avdullah Hoti tha se në LDK ka kaluar koha e rrahjeve: Krisin karriget dhe grushtet

Lidhja Demokratike e Kosovës, e cila këto ditë po mban procesin e brendshëm zgjedhor, është duke u përballur me

Read More...

Mobile Sliding Menu