SBASHK’u: Mësimi s’do të zgjasë pas 21 qershorit

In Kosova, Lajme

Më 21 qershor, pa asnjë ditë shtesë, do të përfundojë viti shkollor 2018-2019, transmeton Gazeta Metro.

Kështu ka deklaruar Ymer Ymeri, nga Sindikata e Bashkuar e Arsimit, ndonëse Ministria e Arsimit ka obliguar drejtoritë komunale të zgjasin mësimin të paktën edhe për një javë, raporton Ktv.

Por kjo, sipas Ymerit, nuk do të ndodhë meqë mësimdhënësit kanë arritur të përfundojnë komplet plan-programin mësimor për këtë vit.

Ai pret rezultate edhe më të mira në testimet e këtij viti, ani pse fëmijët i kanë humbur 3 javë mësim në kohën e grevës.

Në anën tjetër, drejtori i një shkolle fillore në Lipjan thotë se mësimi nuk do të përfundojë më 21 qershor, siç pretendon SBASHK-u, por një javë më pas.

Kjo pasi Drejtoria Komunale e Lipjanit do ta respektojë vendimin e Ministrisë së Arsimit për kompensimin e orëve, të paktën edhe për një javë.

Gjykata Themelore në Prishtinë e ka kthyer në favor të Ministrisë së Arsimit ankesën e SBASHK-ut për zëvendësim të orëve.

Në anën tjetër, SBASHK-u, gjatë gjithë kohës, ka deklaruar se mësimi mund të zëvendësohet për një javë më shumë dhe atë vetëm nëse bëhen ndryshime në koeficient për mësimdhënësit e klasave 1-5, të cilët, sipas zyrtarëve të SBASHK-ut, u renditën më së keqi në Ligjin e pagave.

You may also read!

Veseli: Fitorja e madhe po vjen

Kandidati i PDK-së për Kryeministër të ardhshëm të Kosovës, Kadri Veseli, ka zhvilluar sot disa takime në qytetin e

Read More...

Këtu mund ta dini se ku duhet të votoni me 6 tetor

Me 6 tetor mbahen zgjedhjet e jashtëzakonshme dhe për këtë Komisioni Qendror i Zgjedhjeve, ka publikuar linkun ku nga

Read More...

Veseli: Unë besoj tek rinia e Kosovës, obligimi im është të krijoj kushte pune

Lideri i Partisë Demokratike të Kosovës, Kadri Veseli, ka vizituar Akademinë për Siguri Publike, për të cilën tha se

Read More...

Mobile Sliding Menu