Tahiri: Albin Kurtin e tmerron ideja se autor i kësaj nisme për krijimin e Tribunalit është Kadri Veseli

In Kosova, Lajme

Albin Kurtit nuk i pengon ideja e Tribunalit, por pse kjo ide është e Kadri Veselit. Kështu ka shkruar në një status në rrjetin social Facebook, ministri i Drejtësisë, Abelard Tahiri.

Sipas tij, vetëm pse është ide e Veselit, kryetari i partisë Vetëvendosje është duke i bërë pengesë funksinalizimit të kësaj nisme. “Qasjen e opozitës për të penguar funksionalizmin e Tribunalit Ndërkombëtar, që ka për qëllim hetimin dhe ndëshkimin e atyre që kryen krime, në Kosovë në vitin 1998-1999, asgjë nuk pasqyron më mirë se sa qëndrimi i shprehur sot nga Albin Kurti. Me anë të këtij rrëfimi ai tenton ta justifikoj bllokimin që është duke i bërë nismës për themelimin e këtij Tribunali.

Në mënyrë manipulative ai pohon se me anë të kësaj insiative të ndërmarr nga Kryetari i Kuvendit, tentohet të suspendohet kapaciteti i mekanizmave juridikë shtetëror për të dënuar krimet serbe në Kosovë. Mashtrim më të madh se kaq nuk mund te ketë. Sepse themelimi i një institucioni të tillë vetëm sa i forcon potencialet e institucioneve tona për të adresuar këtë çështje” ka shkruar Tahiri.

Madje, sipas Tahirit, edhe më herët Kurti ka bërë thirrje të sa botohet ngjarje të rëndësishme, që ndërlidhen me çlirimin e Kosovës dhe shpalljen e pavarësisë.

“Albin Kurtin e tmerron ideja se autor i kësaj nisme është kryetari i Partisë Demokratike të Kosovës, si dhe mundësia që kjo iniciative te ketë sukses. Ashtu siç i janë shndërruar në makth çlirimi i Kosovës dhe Pavarësia e saj, të cilat u fituan si rezultat i bashkëpunimit me partnerët ndërkombëtare, bashkëpunim ky të cilin ky dikur Albin Kurti bënte thirrje që të sabotohej. Me të njëjtën logjike që i sulmonte atëherë këto procese ai e atakon edhe sot këtë nismë.

Pra pasi dështoj që ta pengoj fitimin e këtyre dy qëllimeve madhore për shqiptaret e Kosovës, sot i është veshur punës që ta pengoj dokumentimin ndërkombëtar të krimeve serbe që kanë ndodhur në Kosovë. Sepse vetëm në këtë mënyrë e ka më lehtë të manipuloj me plagët e kësaj shoqërie” ka shkruar Tahiri në fund të statusit të tij.

You may also read!

Ramiz Kelmendi i tregon LDK’së se si t’i evitojë përleshjet

Kohëve të fundit në Kuvendet Zgjedhore të LDK-së janë shënuar disa incidente. E lidhur me këto ngjarje ka reaguar

Read More...

Haradinaj falënderon Granit Xhakën e Mitot Rashicën për ndeshjen në Stadiumin e Prishtinës

Kryeministri i vendit, Ramush Haradinaj është deklaruar për ‘Lojën e Yjeve’ e cila u zhvillua sonte në stadiumin e

Read More...

PDK nesër zgjedh kryetarin, a do të ketë kundërkandidat Kadri Veseli?

Partia Demokratike e Kosovës nesër mban Konventën e nëntë zgjedhore me ç’rast pritet të zgjidhet kryetari i partisë dhe

Read More...

Mobile Sliding Menu