Vdes në moshën 98-vjeçare Duka i Luksemburgut

In Bota, Lajme

Duka i Madh i Luksemburgut, i cili kishte marrë pjesë në Luftën e Dytë Botërore së bashku me ushtrinë britanike, ka vdekur në moshën 98-vjeçare. Ai kishte hequr dorë nga pushteti mbretëror në vitin 2000 për t’ia lëshuar vendin djalit të tij, Henrit.

Jean Boit Marc d’Aviano u lind më 5 janar 1921 dhe ishte fëmija më i madh i Princit Feliks dhe Dukeshës Charlotte. Ai e kishte lënë fronin mbretëror nën mbrojtjen e ushtrisë franceze kur forcat gjermane kishin hyrë në Luksemburg më 9 maj 1940.

Ai jetoi në ekzil në Francë, Portugali, Shtetet e Bashkuara dhe Kanada bashkë me pjesën tjetër të familjes mbretërore, para se të shkonte në Britani për të shërbyer si vullnetar i trupave irlandeze nën urdhrin e Mbretit Xhorxh të Katërt.

Ai mori pjesë në Betejën e Caenit dhe çlirimin e Brukselit. Më 10 shtator 1944, ai u kthye në Luksemburg. Në prill të vitit 1945, ai e priti nënën e tij në Luksemburgun e çliruar.

Gjatë sundimit të tij, Luksemburgu u bë qendër e shërbimeve financiare pas disa dekadave të rënies ekonomike. Ai u martua në vitin 1953 me Princeshën Josephine-Charlotte të Belgjikës, me të cilën pati pesë fëmijë.

Jean vdiq një javë pasi u shtri në spital për shkak të një infeksioni në mushkëri, shkruan “The Guardian”, transmeton Gazeta Express.

You may also read!

Veseli sërish kryetar i PDK’së, pa asnjë votë kundër dhe asnjë abstenim

Pa asnjë votë kundër dhe asnjë abstenim, Kadri Veseli është rizgjedhur kryetar i PDK’së edhe për një mandat, sot

Read More...

Trump e sulmon sërish kryetarin e Londrës: Je turpi i kombit

Presidenti i Shteteve të Bashkuara, Donald Trump, e ka kritikuar përsëri kryetarin e Londrës, Sadiq Khan, duke e quajtur

Read More...

Dy ditë pasi Avdullah Hoti tha se në LDK ka kaluar koha e rrahjeve: Krisin karriget dhe grushtet

Lidhja Demokratike e Kosovës, e cila këto ditë po mban procesin e brendshëm zgjedhor, është duke u përballur me

Read More...

Mobile Sliding Menu