Xhaka dëshiron ta shkruajë emrin e vet në historinë e Arsenalit

In Futboll, Sport

Janë bërë plot 25 vjet që prej se Arsenali e fitoi për herë të fundit një trofe evropian dhe Granit Xhaka dëshiron që patjetër t’i japë fund kësaj ecurie negative dhe ta shkruajë emrin e tij në historinë e pasur të klubit nga Londra veriore.

Fitorja 4:2 ndaj Valencias të enjten ia siguroi Arsenalit një vend në finale të Ligës së Evropës. Më 29 maj në Baku, Arsenali do të përballet me rivalin nga qyteti, Chelsean.

Kjo do të jetë finalja e parë evropiane e Arsenalit që prej vitit 2006. Hera e fundit kur “Topçinjtë” fituan një finale ishte viti 1994, kur e munden Parman 1:0 për trofeun Cup Winners Cup.

Kosovari përfaqësues i Zvicrës e pranon se kjo është pritje shumë e gjatë për një klub si Arsenali dhe këmbëngul se ai me bashkëlojtarë duhet patjetër ta rrëmbejnë trofeun.

“25 vjet, është një kohë e gjatë. Tani jemi në finale dhe e duam këtë trofe për klubin, për tifozët dhe për vetë ne lojtarët”, tha Xhaka.

“Çdo pjesë e historisë është e mirë. Të bën të jesh krenar nëse je pjesë e historisë së këtij klubi të mahnitshëm. Ama së pari duhet të fitojmë”, shtoi ai.

You may also read!

Veseli: Unë besoj tek rinia e Kosovës, obligimi im është të krijoj kushte pune

Lideri i Partisë Demokratike të Kosovës, Kadri Veseli, ka vizituar Akademinë për Siguri Publike, për të cilën tha se

Read More...

Veseli sërish kryetar i PDK’së, pa asnjë votë kundër dhe asnjë abstenim

Pa asnjë votë kundër dhe asnjë abstenim, Kadri Veseli është rizgjedhur kryetar i PDK’së edhe për një mandat, sot

Read More...

Trump e sulmon sërish kryetarin e Londrës: Je turpi i kombit

Presidenti i Shteteve të Bashkuara, Donald Trump, e ka kritikuar përsëri kryetarin e Londrës, Sadiq Khan, duke e quajtur

Read More...

Mobile Sliding Menu